باسم يوسف عن برنامجه: " مات بموت لحظته.. وتأثيره كان لأنه خرج من قلب مصر”

 كشف الإعلامي الساخر باسم يوسف عن أسباب توقف برنامجه الشهير وعدم استكماله بعد مغادرته مصر، مؤكدًا أن نجاح العمل ارتبط بظروفه الخاصة ومكان انطلاقه.

وقال يوسف خلال لقائه ببرنامج «كلمة أخيرة» مع الإعلامي أحمد سالم على قناة ON مساء الثلاثاء:> «مصر أكيد وحشتني، بس اللي في دماغي هي مصر 2014، مش مصر 2025.. الزمن غيّر كل حاجة، وأنا بخاف أرجع ألاقي نفسي غريب عن البلد اللي عشت فيها 40 سنة».

وأوضح أن الغربة الحقيقية لا تكون فقط خارج الوطن، بل أحيانًا يشعر الإنسان بالاغتراب تجاه بلده حين تتبدل ملامحها:> «الغربة مش إنك تبعد عن بلدك، الغربة إنك ما تبقاش عارفها لما ترجع لها».

وتطرق يوسف إلى أسباب توقف برنامجه الساخر الذي صنع له شهرة واسعة في الوطن العربي، مؤكدًا أنه لم يكن قادرًا على استكماله بعد خروجه من مصر:> «البرنامج كان وليد لحظته.. نجاحه كان لأنه خرج من جوّا مصر، من إحساس الناس ومشاكلهم الحقيقية. الكوميديا السياسية عمرها قصير، ومالهاش نفس الطعم لما تبعد عن الأحداث».

واعترف يوسف بأن فترة ما بعد توقف البرنامج كانت الأصعب في مسيرته:> «فضلت سنتين مشلول، مش عارف أكتب ولا كلمة، حاسس إني من غير البرنامج ماسواش حاجة. لكن تعلمت إن الفنان مش لازم يكرر نفسه علشان يثبت وجوده».

واختتم قائلاً:> «أنا ما أقدرش أتكلم عن مصر من بره زي ما كنت أتكلم وأنا فيها.. عشان كده البرنامج انتهى بنهاية وقته ومكانه، وده سر تأثيره الحقيقي».